जीवन विकास लघुबित्तको यस्तो तथ्य बाहिरियो ! १० हजार पुग्छ मूल्य ?

अर्थ / वाणिज्य

जीवन विकास लघुवित्त वित्तीय संस्था लिमिटेडकाे सेयरमूल्य प्रतिकित्ता ५ हजार रूपैयाँ नाघेकाे छ ।

संस्थाको आईपीओ हात पार्ने लगानीकर्ताहरु एक महिनामै मालामाल भएका छन् ।

एक महिना अघि कम्पनीको आईपीओमा १ हजार रुपैयाँ लगानी गर्ने लगानीकर्ताहरुको सेयर पुँजी अहिले बढेर ५० हजार नाघेकाे छ ।

साउन १४ गतेदेखि दोस्रो बजारमा कारोबार प्रारम्भ भएको कम्पनीको सेयरमूल्यमा लगातार जसाे सकारात्मक सर्किट लागेको थियाे ।

कारोबारको पहिलो दिनमा ९१४ रुपैयाँमा कारोबार प्रारम्भ भएको कम्पनीको सेयरमूल्य आजसम्म आईपुग्दा ५ हजार एक सय ९८ रुपैयाँ ९० पैसा पुगेको छ ।

अझै बजारमा कम्पनीको सेयरको माग हेर्दा कम्पनीको सेयर मूल्य वृद्धि हुने अनुमान लगाउन सकिन्छ ।

अघिल्लो आर्थिक वर्षको वित्तिय विवरण अनुसार कम्पनीको प्रतिसेयर आम्दानी ११३ रूपैयाँ ३४ पैसा रहेको छ ।

गत आर्थिक वर्षको चौथो त्रैमाससम्म आइपुग्दा संस्थाले ६८ करोड ९५ लाख ५८ हजार रुपैयाँ खुद नाफा आर्जन गर्न सफल भएको छ ।

उक्त नाफा रकम गत वर्षको सोही अवधिको तुलनामा १०१.९७ प्रतिशतले धेरै हो ।

गत आर्थिक वर्षको यसै अवधिमा संस्थाले ३४ करोड १४ लाख २३ हजार रुपैयाँ खुद नाफा आर्जन गरेको थियो ।

चौथो त्रैमाससम्म आइपुग्दा संस्थाले एक अर्ब ४१ करोड ६७ लाख ११ हजार रुपैयाँ खुद व्याज आम्दानी गरेको छ ।

उक्त आम्दानी गत वर्षको यसै अवधिको तुलनामा ४९.२९ प्रतिशतले धेरै हो ।

गत आर्थिक वर्षको यसै अवधिमा संस्थाले ९४ करोड ८९ लाख ७९ हजार रुपैयाँ खुद व्याज आम्दानी गरेको थियो ।

संस्थाको प्रतिसेयर नेटवर्थ ३१५ रूपैयाँ २२ पैसा रहेको छ ।

संस्थाको चुक्ता पूँजी ६० करोड ८४ लाख रूपैयाँ छ ।

संस्थाको जगेडा कोषमा एक अर्ब ३० करोड ९४ लाख रुपैयाँ छ ।

कम्पनीको वित्तिय विवरण हेर्दा कम्पनी आधारभुत रुपमा एकदमै बलियो देखिन्छ ।

त्यसैले पनि यसकाे मूल्य एकिन यति पुग्ला भन्न नसकिए पनि अझै बढ्ने पक्का जस्तै छ ।

कम्पनीको जगेडा कोषमा कम्पनीको चुक्ता पुँजीभन्दा दुई गुणाभन्दा बढि रकम सञ्चित छ।

कम्पनीका सबै सूचकहरु एकदमै बलिया देखिन्छन् जसका कारण पनि लगानीकर्ताहरुमा कम्पनीले उच्चदरमा लाभांश वितरण गर्ने अपेक्षा देखिन्छ ।

संस्थाले गत महिना असार ११ गतेदखि असार १५ गतेसम्म प्रतिकित्ता १०० रुपैयाँ अंकित दरका कूल १९ करोड ७७ लाख

३० हजार रुपैयाँ बराबरको १९ लाख ७७ हजार ३ सय कित्ता आईपीओ निष्कासन तथा बिक्री खुल्ला गरेको थियो ।

जसमध्ये कुल पुँजीको ०.५ प्रतिशतले हुन आउने ३० हजार ४२० कित्ता संस्थाका कर्मचारीहरुलाई र सर्वसाधारणका लागि जारी गर्न लागेको पुँजीको ५ प्रतिशतले हुन आउने

९८ हजार ८६५ कित्ता सामुहिक लगानी कोषका लागि छ्ट्याइएको छ भने बाँकी १८ लाख ४८ हजार १५ कित्ता सर्वसाधारणका लागि छुट्याइएको थियो ।

जीवन विकास लघुवित्त वित्तीय संस्था लिमिटेडको आईपीओमा आवेदनहरुमध्येबाट ६९ हजार ९ जना आवेदकको आवेदन रद्द भएको थियो ।

कुल १४ लाख ७० हजार ७ सय ४० कित्ता आईपीओ रद्द भएको हो ।

कम्पनीको आईपीओमा परेको आवेदनमध्ये २० लाख १८ हजार ३ सय ८ जना मात्र योग्य आवेदक रहेका थिए ।

गोलाप्रथाबाट गरिएको बाँडफाँडमा बढीमा ११ कित्ता र थोरैमा १० कित्ता बाँडफाँड गरिएको थियो ।

आईपीओ वितरण गर्दा १ लाख ८४ हजार ८ सय १ जना आवेदकले १० कित्ताका दरले सेयर र १० कित्ता भन्दा धेरै आवेदन दिने ५ जनाले भने ११ कित्ताका दरले सेयर पाएका हुन् ।

Leave a Reply

Your email address will not be published.